Mō Kia Māia te Whai

 

Tūhuratia te ao mīharo o ngā pukapuka, ki tua atu hoki i roto i tēnei kaupapa Kia Māia te Whai - tā tātou kaupapa pānui pukapuka kore utu mō te raumati, mā ngā tamariki 5-12 te pakeke.

Tūhono mai i a tātou e tūhura haere ana i ngā takoha whakamīharo kei ngā pātaka kōrero. Whakamātautau koe i a koe anō, kia kaha te pānui, kia māia te whai!

E rere ana tēnei kaupapa Kia Māia te Whai i te raumati i ngā hararei ā-kura (10 Hakihea 2018 - 21 Kohitātea 2019), ā, ka taea te whakatutuki i te kāinga, i a koe e hararei ana, i tō pātaka kōrero tata, i te taha o ō hoa rānei.


Hei whakamārama:

Whakatutuki kia kotahi te whāinga a ia kiripuaki, ā, ka whai tono koe ki te pāti ka tū ki tō pātaka kōrero.

Whakatutuki kia rima ngā whāinga a te kiripuaki kotahi, ā, ka whai whakapiri mīharo.

Ko ngā whāinga kākāriki me te kupu 'māmā' ngā whāinga māmā rawa hei whakatutuki.

Me ngana koe ki te pānui i ia rā!

Kaua e wareware ki te haere ki te pātaka kōrero hei tohu i tō haere, kōrero rānei ki ō mātou kaitiaki pukapuka whakahoahoa mehemea he pātai āu.

I tēnei tau, e tautoko nui ana a Potter Masonic Trust i ngā pukamahi Kia Māia Te Whai me ētahi atu rauemi.

Potter Masonic Trust